'సర్వీసు కొనసాగింపు ఉత్తర్వులివ్వాలి'...
శ్రీకాకుళంలో వైద్య ఆరోగ్యశాఖలో కాంట్రాక్టు, ఔట్‌సోర్సింగ్‌ ఉద్యోగులకు సర్వీసును కొనసాగిస్తూ తక్షణం ఉత్తర్వులు ఇవ్వాలని యునైటెడ్‌ మెడికల్‌ అండ్‌ హెల్త్‌ ఎంప్లాయీస్‌ యూనియన్‌ అధ్యక్ష, కార్యదర్శులు కె.సోమసుందరరావు, డి.సాయిప్రసాద్‌ డిమాండ్‌ చేశారు. యూనియన్‌ ఆధ్వర్యాన సోమవారం డిఎంఅండ్‌హెచ్‌ఒ కార్యాలయం వద్ద ఆందోళన చేపట్టారు. ఈ సందర్భంగా వారు మాట్లాడుతూ శాశ్వత ఖాళీల్లో కాంట్రాక్టు ఉద్యోగులను భర్తీ చేయాలని, మృతిచెందిన కాంట్రాక్టు ఔట్‌సోర్సింగ్‌ ఉద్యోగుల కుటుంబాల్లో ఒక్కరికి ప్రభుత్వ ఉద్యోగం ఇవ్వాలని డిమాండ్‌ చేశారు. తొమ్మిదో పిఆర్‌సి ద్వారా వేతనాలు పొందుతున్న కాంట్రాక్టు, ఔట్‌సోర్సింగ్‌ ఉద్యోగులకు పదో పిఆర్‌సి అమలు చేయాలన్నారు. టిఎ, డిఎ, హెచ్‌ఆర్‌ఎ, ఎఫ్‌టిఎ ఇవ్వాలని, మహిళా ఉద్యోగులకు ప్రసూతి సెలవులు మంజూరు చేయాలని డిమాండ్‌ చేశారు. అనంతరం డిఎంఅండ్‌హెచ్‌ఒ ఆర్‌.శ్యామలకు వినతిపత్రం సమర్పించారు. సిఐటియు సీనియర్‌ నాయకులు విజికె.మూర్తి వీరి ధర్నాకు సంఘీభావం తెలిపారు.
No comments:
Post a Comment